46-Butunjahon shaxmat olimpiadasidagi g‘alaba sharafiga O‘zbekiston terma jamoasi a’zolari mamlakat Prezidenti tomonidan Volkswagen avtomobillari bilan taqdirlandi. Ushbu mukofot xalqaro maydonda O‘zbekiston sharafini munosib himoya qilgan sportchilarning mahorati, qat’iyati va jamoaviy ruhiga yuksak e’tirof bo‘ldi.

2026-yil 29-sentabr kuni Prezident Shavkat Mirziyoyev shaxmat va parashaxmat bo‘yicha terma jamoalar a’zolari, ularning ota-onalari, ustoz va murabbiylari bilan uchrashdi. Uchrashuvda sportchilarning Samarqandda o‘tkazilgan musobaqalardagi yutuqlari alohida e’tirof etildi. Ushbu musobaqada O‘zbekiston terma jamoasi oltin medalni qo‘lga kiritib, Butunjahon shaxmat olimpiadasining ikki karra g‘olibiga aylandi.

O‘z yurtida o‘tkazilgan musobaqadagi g‘alaba mamlakat uchun alohida ahamiyat kasb etdi. Bu muvaffaqiyat ortida ko‘p yillik tayyorgarlik, murakkab partiyalar hamda shaxmatchilar va ularning murabbiylari hamkorligidagi mehnat turibdi. Ushbu yutuqlar e’tirofi sifatida chempionlar Volkswagen avtomobillari, uy-joy va pul mukofotlari bilan taqdirlandi.

O‘zbekistonda Volkswagen brendini rivojlantirayotgan ALYANS AUTO uchun ushbu avtomobillarning chempionlarimizni sharaflash marosimining bir qismiga aylangani alohida ahamiyatga ega. Bu voqea mamlakatimizning sport yutuqlaridan faxrlanish tuyg‘usini Volkswagen’ning O‘zbekiston bozoridagi yangi bosqichi bilan bog‘laydi.

ALYANS AUTO jamoasi shaxmatchilar va ularning murabbiylarini munosib g‘alaba bilan tabriklaydi. Chempionlarimizga yangi unvonlar, yorqin partiyalar va jahon shaxmat maydonida yanada katta muvaffaqiyatlar tilaymiz!